CHALOTTE, North Carolina – Pa di dos anochi diaranson, e protestanan pa e morto di un homber color scur na man di polis na Charlotte, North Carolina, a bira violento.
Polis a manda gas lacrimogeno y e manifestantenan tabata manda cosnan y a purba di daña vehiculonan. Por lo menos cuater agente a resulta herida, segun e cuenta di Twitter di polis di Charlotte-Mecklenburg.
Gobernador di North Carolina, Pat McCrory a declara e estado di emergencia mey mey di e violencia, riba peticion di hefe di polis, Kerr Putney, oficina di McCrory, a bisa.
Inicialmente autoridadnan a reporta cu un persona cu a ricibi un disparo lo a fayece, pero despues a coregi bisando cu e ta den condicion critico.
E cuenta verifica di e ciudad di Charlotte riba Twitter ta bisa cu e disparo no a worod haci pa un polis, sino pa otro civil.
Un agente policial a resulta herida, e informe a agrega.
Keith Lamont Scott, tata di shete yiu, a fayece diamars na man di polis den un parkinglot di un complex di apartamento mientras cu e agentenan tabata busca un otro persona.
E caso a desata protesta cu a bira violento den centro di Charlotte.
Fuente: CNN en Español