WRIGHTSVILLE BEACH, NC (Merca)- E centro di e horcan di categoria 1 Florence a subi tera awe cerca di Wrightsville Beach, North Carolina, costa zuidoost di Merca. Aki a registra varios inundacionnan, segun e National Hurricane Center a informa.
Den un boletin special, NHC a indica cu e ciclone ta move bientonan sosteni di 90 miya pa hora (150 km/h) y rafaganan superior y ta dirigi su mes rumbo west na 6 miya p//h (9 km/h).
Esaki sin duda lo hib’e pa e interior di North Carolina y pa despues sigui pa su bisiña, South Carolina.
Mientras tanto, Florence ta lagando destruccion den e zona zuidoost di e pais, cu 150 persona evacua door di ekiponan di rescate, varios vivienda ya caba ta bou di awa y al menos 400 mil usuario a keda sin coriente.