Tur aña Grand Master Chaco Cornelio di Noord Taekwondo Center a hiba su atletanan pa cera e aña na e fast food restaurant na Palm Beach, caminda e muchanan a come y bebe. Grand Master Chaco Cornelio a treat su team di Noord Taekwondo Center.
Grand Master Chaco Cornelio a gradici tur e atletanan pa nan confiansa cu nan a hinca den Noord Taekwondo Center y tambe a informanan cu su carera como referee a yega su punto final. Grand Master Chaco Cornelio lo no para como referee mas, pero e scol di Taekwondo si lo sigui bou di su encargo te dia cu e haya e yamada pa para cu esaki. Lesnan di Taekwondo tabata cu vakantie pa e dianan di fiesta.