PYONGYUANG – Noord Korea a denuncia ehercisionan militar cu ta tumando luga na Zuid Korea y Merca, cual e ta cualifica como un ensayo pa atacanan di manera preventivo. Como represalia, a menasa den lansa “atakenan ultrapreciso y despiadado” si nan purba di vulnera nan “soberania.”
Si e aliadonan purba di kibra dicho soberania, e atake di e tropanan Noord Koreano “lo realisa sin piedad riba tera, aire y lama,” e agenia estatal di noticia Noord Koreano KCNA, a adverti den un comunicado publica.
E nota ta avisa Seoul y Washington, cu nan ta realisando nan maniobranan anual Foal Eagle y Key, ta resolve, cu “e portavionnan di propulsion nuclear y e resto di e activonan strategico di e imperialistanan Mericano, ta na alcance di e atakenan ultrapreciso di e Ehercito Popular di Korea.”
E texto di Pyongyang a yega un dia despues cu e aliadonan a cuminsa cu nan ehercisionan di combati simula, cu lo a dura te na final di April.
E despliege di activonan militar di e aña aki pa e ehercisionan ta e mayor te na e fecha, ya cu Washington a inclui nan avionnan F-35B y e portaavionnan nuclear Carl Vinson, despues cu e regimen Juche a realisa na 2016, un cantidad record di testnan nuclear y di misil.
Un momento di gran tension na Zuid Korea
Pyongyang, cu ta denuncia periodicamente e naturalesa no defensivo di e maniobranan aki, a afirma siman pasa cu e maniobranan militar ta laga e peninsula Koreano “na rand di un guera nuclear”, subrayando cu e ehercisionan ta supone un escalamento di e tension den e region.
Tras e inicio di Foal Eagle dia 6 di Maart ultimo, a manda cuater misil balistico di medio alcance cu a cay den awanan Hapones.
E dos Koreanan ta sigui ta tecnicamente den guera pasobra solamente nan a firma un armisticio pa stop indefinitivamente e hospilidadnan despues di a bataya entre 1950 y 1953.
E clima di tension special cu ta biba den e peninsula di Korea tambe ta wordo agrega na e instalacion den e suelo Zuid Koreano di e escudo antimisil THAAD, cu a cuminsa siman pasa. E sistema Mericano aki pa deriba proyectilnan cu ta menasa cu cay riba Zuid Korea, a desata e rechaso di e regimen di Kim Jong-un y tambe di China, cu ta wordo considera cu ta interferi den nan sistema di defensa.
E situacion aki di tension ta coincidi, ademsa cu e crisis politica na Zuid Korea a rais di e caso Rasputina, cu a caba den e destitucion di e presidente Park Geun-hye y tras e asesinato na Malasia di e ruman homber di e lider Noort Koreano, cual Seoul ta acusa Pyongyang abierntamente, kendenan ta nenga esaki.
Fuente: Huffington Post