PYONGYANG, Noord Korea – Pyongyang a responde dialuna na e maniobranan militar di Seoul y Washington cu e lansamento di cuater misil balistico cu a cay cerca di e costa di Hapon y a incrementa e tension cu ta respira den e peninsula Koreano y Asia Nororiental.
E cuater proyectilnan a wordo manda for di e costa noroccidental di e pais y a bula mas of menos un 1000 kilomester oost, alcansando un haltura maximo di 260 kilometer prome cu a cay den lama, e Estado Mayor Conhunto Sur Koreano a detaya.
Tres di nan a cay den e Zona Economia Especial (EEZ) di Hapon – espacio cu ta extende na un 370 kilometer for di e costanan Hapones- cerca di e litoral di e prefectura septentrional di Akita.
Mientras e ehercitonan Sur Koreano, Mericano y Hapones ta analisa datonan disponibel pa establece e tipo di proyectil emplea, mayoria di e expertonan ta considera cu e por ta misilnan Hwasong di corto alcance – cu mas of menos 500-700 kilometer di alcance of Rodong di rango medio 1300-1500 kilometer.
Seoul, Washington y Tokyo ta condena e accion aki mientras cu Peking, lo mas parecido na un aliado cu e regimen Noord Koreano tin, a bisa di ta opone na e lansamento, cu ta considera un violacion di e resolucionnan di Nacionnan Uni, activa pa castiga Pyongyang pa pruebanan di arma anterior.
Ainda asina, un vocero di Asuntonan Exterior Chines, a bisa den tur e partinan implica na aposta pa e contencion, den claro referencia na maniobranan militar “Foal Eagle” cu cada aña merca y Seouel ta haci riba teritorio Sur Koreano y cu a cuminsa siman pasa cu e mayor despliege militar te na e fecha.
E ensayo balistico Noord Koreano ta yega despues cu diabierna e corant estatal “Rodong Sinmun” lo menasa cu pruebanan di misilnan nobo como respuesta na “Foal Eagle”, cu Pyongyang ta considera un ensayo pa e invasion di su teritorio.
Fuente: NTN24