PYONGYANG, Noord- Korea – Noord- Korea a sigura cu diadomingo el a lansa exitosamente, otro misil balistico di prueba mediano alcance.
E agencia estatal di noticia KCNA a bisa cu e tipo di arma aki ya caba ta cla pa wordo desplega den un accion militar.
White House, di su banda, a señala cu e misil tabata tin un alcance mas cortico cu esunnan uza den e ultimo tres pruebanan di e pais aki.
Korea del Sur a bisa cu e ultimo prueba a wordo haci na Pukchang, west di su bisiña, caminda cu e misil a explota algun seconde despues di a wordo lansa, na April.
E ultimo lansamento ta bin casi un siman despues cu e dialuna dia 15 di Mei, Conseho di Siguridad di ONU a pide Pyongyang pa no realisa mas prueba.
E pedido di ONU a bin dos dia despues cu e Noord- Korea a haci otro prueba di misil.
Ministerio di Relacionnan Exterior di Korea del Sur a bisa cu e lansamento aki tabata “imprudente y irresponsabel”.
E Conseho di Siguridad di ONU lo reuni den priva, riba solicitud di Merca, Corea del Sur y Japon.
Noord- Korea ta desaroyando armanan nuclear, el a haci diferente pruebanan nuclear y misilnan capas di dirigi e armanan aki na su obhetivo.
Ambos tecnologia ta prohibi door di sancionnan di ONU.
Fuente: www.bbcmundo.com