PYONGYANG, Noord Korea – Noord Korea a realisa un desafio nobo na e comunidad internacional cu lansamento di un misil no identifica, segun e ehercito Sur Koreano a reporta. E por ta di tipo balistico, e agencia Sur Koreano, Yonhap, a afirma. E proyectil a bula den 30 minuut un distancia di 700 kilometer y a cay den e Lama di Hapon.
E lansamento aki ta yega e mesun siman cu Sur Korea, pais di cual e tin conflicto cun’e desde mas di mey siglo, a eligi un liberal como presidente. Su prome intencionnan a wordo lesa pa e analistanan como un acercamento na e bisiñanan di nort. Tras e lansamento, a ordena un reunion di urgencia di e Conseho Nacional di Siguridad.
Den e ultimo dos lunanan nan a realisa cuater lansamento. Ta trata di e di dos lansamento realisa pa Noord Korea den apenas dos siman, si ta bon e intento prome a fracasa. E prome den reacciona tabata Hapon, cu a condena firmemente e hecho y a recorda cu ta trata di un violacion di e resolucionnan di Nacionnan Uni.
E lansamento a keda produci den un region cercano na e costa oost di e pais. Den e ultimo dos lunanan e Noord Koreanonan a faya cuater biaha consecutivo den nan testnan militar.
E agencia di noticia Sur Koreano Yonhap a reporta cu e proyectil lansa tabata parce di ta balistico. Di ta asina, lo uni na e ultimo desafionan cu e hermetico pais Asiatico aki a lansa y e presidente Mericano, Donald Trump, a yega na declara na final di April cu por desencadena un “gran, gran conflicto” cu Noord Korea.
Expertonan militar a afirma cu Noord Korea a haya avancenan importante den e ultimo lunanan.
Trump a anuncia den April un “gran conflicto” cu Noord Korea.
Fuente: http://www.lavanguardia.com/