SEOUL, Noord- Korea — Noord -Korea a tira al menos dos proyectil no identifica, segun informacion di ehercito di Zuid- Korea.
E lansamento a tuma luga pa 4 or y 30 (hora di Corea) den e parti occidental di e pais y ta bin na menos di un siman despues di cu Noord- Korea a lansa varios sistema nobo di arma, e prome lansamento di e tipo aki desde 2017.
Medionanan estatal di Noord- Korea a informa cu e lansamentonan realisa diasabra tabata forma parti di un “simulacro di atake” pa “verifica e capacidad operativo di e lansadonan di varios raket di gran caliber di largo alcance y armanan guia tacticamente”.
Pyonyang a describi e lansamentonan como “rutinario y di autodefensa” den naturalesa.
Pero algun experto den arma cu a analisa e imagennan di lansamento di Noord- Korea ta di opinion cu Pyonyang lo por a test un tipo di misil di corto alcance mas avanza, e tipo di arma cu den teoria lo por hiba un ojiva nuclear.