PYONGYANG, Noord Korea – E preparativonan pa un prueba nuclea nobo subteraneo di Noord Korea, por ta “bastante avansa,” segun imagennan nobo via satelite publica y analisa awe pa un website specialisa.
E fotonan tuma dia 25 di Maart, ta mustra un nivel halto di actividad den e base di Punggye-ri (noordoost) cu ta “sugeri di manera enfatico cu e preparativonan pa un test ta bastante avansa,” e website 38North, a splica awe, liga na e Universidad Johns Hopkins.
Segun e analisis di e pagina specialisa na Noord Korea, e imagennan lo a indica cu a instala kabel den e exterior di e asina yama galeria nort di e base, unda e ehercito norkoreano a ehecuta nan detonacionnan subteraneo mas reciente, e ultimo September ultimo.
“E ekipamento probablemente wordo uza pa cuminsa e test, recolecta datonan di explosion y procesa e datonan” di prueba, e website ta añadi.
Tambe ta destaca cu nan ta sacando awa di e galeria nort, “aparentemente di cara pa mantene e tunnel seco pa e ekipamento di siguimento of comunicacion.”
No obstante e analisis di 38North a señala cu e imagennan “no ta provee pruebanan suficiente ni riba e presencia di un dispositivo nuclear” den e base “ni riba e momento cu lo bay realisa un prueba.”
Fuente: http://www.eldiario.es