PYONGYANG, Noord- Korea- Autoridadnan di Noord- Korea diabierna a acusa CIA, hunto cu servicio di inteligencia di Korea del Sur, di tin plannan pa mata nan lider, Kim Jong – Un, cu substancianan kimico durante e celebracionnan di e April ultimo na e pais Asiatico.
E Ministerio di Siguridad Estatal a sigura cu nan a detecta un grupo infiltra pa e Agencia Central di Inteligencia (CIA) y e Servicio di Inteligencia di Seoul pa realisa “preparacionnan undercover y meticuloso” pa atenta contra di su lider door di uzo di sustancianan kimico.
Den un comunicado emiti door di e agencia oficial di noticianan di Noord- Korea, KCNA, “na 2014 un Norcoreano di fam Kim tabata traha den un compleho industrial den e teritorio Ruso di Jabárovsk pa nan comete un “atentado terorista” contra di e lider supremo di e pais.
E obhetivo tabata ta di asesina Kim durante e actonan na Maart na e Palacio del Sol di Kumsusan y den e desfile militar.
Noord- Korea a menasa cu lansa un atake antiterorista contra di agencianan di inteligencia di ambos pais pa conspiracion.
“Nos lo persigui y destrui te na e ultimo terorista di CIA y e inteligencia di Seoul”, segun KCNA.
Fuente: NTN