PYONGYANG/SEOUL- Gobierno di Zuid Korea a anuncia cu e lider di Noord- Korea, Kim Jong Un, a priminti di cera e instalacionnan nuclear na luna di mei. Ademas, el a bisa di lo kier invita expertonan Mericano y Surcoreano pa presencia e desarme. Den e encuentro historico di diabierna entre e lidernan di e dos Koreanan, ambos a acorda di busca e ‘desnuclearisacion total’ di e peninsula.
“Kim a bisa, durante e cumbre cu e presidente Moon, cu e lo cera e instalacionnan nuclear na mei y cu kisas e lo invita expertonan di Zuid- Korea y Merca pa informa di e proceso na e comunidad internacional”, segun Yoon Young-chan, vocero di gobienro Surcoreano.
“Kim a declara: ‘Merca ta considera nos repugnante pero, manera cu nos cuminsa papia cu otro, nan lo ripara cu ami no ta hende cu lo bay manda un arma nuclear direccion zuid of direccion Merca”, el a sigura.
Segun Yoon, e lider Norcoreano a afirma cu “si nos combersa cu Washington regularmente, si nos construi e confianza, pone un fin na e guerra y finalmente nan priminti cu no lo tin invasion, pakico nos lo mester di tin armanan nuclear?
Di su banda, presidente di Merca, Donald Trump, diasabra na Michingan a bisa cu e te kere “cu pronto nos lo tin un encuentro, kisas den e siguiente tres of cuater simannan”. Aki e ta referi na e reunion tan spera cu ta spera cu e lo tene cu Kim Jong Un.
Fuente: NTN24