PYONGYANG, Noord Korea – E regimen Noord Koreano a lansa varios proyectil no identifica cu ta apaarenta ta di e tipo tera-lama desde e cercanianan di e localida di Wonsan, un vocerodi e Ministerio di Defensa, a informa.
Voceronan di e Estado Mayor Conhunto Zuid Koreano (JCS), a indica posteriormente na e agencia Yonhap, cu lo trata di misilnan di crucero y no di misilnan balistico manera cu a wordo bisa den un principio y cu e proyectilnan a recore mas of menos un 200 kilometer prome cu a cay den Lama di Hapon.
Di su parti, Gobierno di Hapon tambe a confirma e lansamento di multiple proyectil.
E test a tuma luga despues caminda dia 29 di Mei Pyongyang a purba otro misil di medio alcance y ta supone e di dies ensayo di ta e tipo cu ta realisa e regimen lidera pa Kim Jong-un pa loke ta e aña.
E Conseho di Siguridad di Nacionnan Uni, a impone sancionnan nobo na Noord Korea siman pasa riba 14 individuo y entidad riba cuenta di su testnan ripiti di arma.
E pruebanan insistente di Pyongyang a depara un endurecimento di e retorica di Washington tras yegada di poder di Donald Trump, cual Administracion a yega na insinua na e posibilidad di realisa atakenan preventivo.
Fuente: http://www.noticiasrcn.com