PYONGYANG, Noord Korea – E ehercito di Zuid Korea a denuncia cu Pyongyang a realisa, pa 5’or y 39 ora local, un lansamento nobo di un misil balistico desde su costa oriental.
E lansamento a realisa desde e localidad di Wonsan y di acuerdo cu e Estado Mayor Conhunto di Seoul (JCS), ta kere cu ta trata di un misil di tipo Scud cu a recore 450 kilometer den direccion oost.
E informacion a wordo confirma pa e Comando di Pacifico di Merca, cu a informa cu e misil a wordo rastrea durante seis minuut te ora cu el a cay den Lama di Hapon.
Un agencia di noticia Zuid Koreano a informa cu e presidente Moon Jae-in a convoca un reunion di e Conseho di Siguridad Nacional cu a cuminsa pa 7’or y mey, ora local, pa trata e ultimo acto di e regimen bisiña.
Ta trata di e di nuebe ensayo di e caracteristicanan aki pa loke ta bay pa e aña y e di tercer desde cu Moon a yega na e presidencia Zuid Koreano. E mas reciente a tuma luga dia 21 di Mei, segun e Agencia EFE.
Fuente: www.ntn24.com