WASHINGTON – Noord Corea mester por entrante 1 di Januari 2017 traha 20 bom atomico. E regimen di Pyongyong ta dispone pa fin di aña e 300 pa 400 kilo necesario di uranio.
E calculacionnan aki ta bin for di un experto di arma Mericano, Siegfried Hecker, cientifico den e prestigioso John Hopkins University na Baltimore.
Noord Corea, manera cu Hecker a bisa diaranson na Washington, ta trahando riba su programa atomico cu desaroyonan mas rapido di loke e parti occidental di mundo a bin ta supone.
E lider Nor Coreano, Kim Jong-un a sinti su mes completamente reforsa diabierna, debi na e prueb atomico, segun e experto den tecnologia nuclear. Hecker a pidi e capital Mericano pa reestablece dialogonan diplomatico cu e Nor Coreanonan pa asina evita un escalacion.
E prueba atomico di diabierna a hiba na reaccionnan perturbante mundial y a yama na sancionnan mas severo. Entre otro e Presidente Mericano Obama, a pidi pa esaki.
Fuente: ANP