La Cabana Beach Resort & Casino a celebra logro di nan empleadonan durante ceremonia di reconocemento di segundo kwartaal, cual a tuma luga den e ballroom durante lunch.
Esnan cu a haci un tremendo trabao mas leu cu nan responsabilidadnan regular durante lunanan di April, Mei y Juni a wordo reconoci por medio di nan hefe di departamento, gerencia y celebra por medio di nan hefenan. Durante lockdown temporario di Covid19, alrededor di 16 empleado a wordo pidi pa bay muda den e propiedad, e tempo ey durante shift [on rotation] pa cuida siguridad, landscape, e pushinan cu ta residente na e hotel cu ta rekeri pa duna nan di come. Varios empleado di F&B tambe a presenta nan mes pa duna di come na e crew chikito aki, y pa sigura e cushinanan y storerooms. Adicionalmente, departamento di Recurso Humano a keda den contacto cu empleadonan di e resort riba un base diario, mandando nan updates, videonan di motivacion, ehercicio cu life-coach Rene Wilde, tips di nutricion, links pa desaroyo personal y mas.
E Resort a disfruta di e flexibilidad tremendo y bon intencion di su empleadonan durante e shutdown, mirando cu hopi di e trahadornan cu contract temporario a wordo retira, empleadonan cu ta traha full-time a bini y yena nan luga hunto cu hopi otro miembronan di housekeeping, engineering y food & beverage a traha den hardin encarga cu mantene e propiedad, cu esfuersonan grandi pa mantene e hardinnan bunita. E nominacionnan pa segundo kwartaal y ganadornan a wordo aprecia pa nan esfuersonan extra cu nan a brinda durante e pandemia y shelter-in-place. Nan tur a contribui na siguridad y bienestar di tur empleado di e resort, bishitantenan y facilidad.
E categorianan cu a wordo reconoci y celebra ta incluid:
Empleado di Luna, April – Ganador Hilario Geerman, Engineering. Nominadonan: Sansarick Milrose, Housekeeping, Hipolito Reynoso, F&B.
Empleado di Luna, Mei – Ganador Melcheor Tromp, F&B. Nominadonan: Serge Louis, Engineering, Johanna Alvarez, Housekeeping, Ireneo Catibayan, Bell Services.
Empleado di Luna, Juni – Ganadora Diana Pichay, Front Office. Nominadonan: Miguel Rasmijn, Engineering, Peter Green, F&B, Abelardo Restrepo, Housekeeping.
Supervisor di Kwartaal – Ganadora Desiree Henriquez, Owners Relations. Nominadonan: Douglas Morillo and Clara Acevedo, Housekeeping.
Manager di Kwartaal – Ganadora Sandra Campos. Nominadonan: Ninfa Jaranilla, Loss Prevention Manager, Manuel Castro, Sous Chef, Sudi Guda, Jr. Talent Manager.
Team di Kwartaal – Ganadornan, departamento di Recurso Humano. Nominado: Departamento di Housekeeping.
Pabien na tur nominado y ganadornan. Sigui cu e bon trabao, pasobra hunto boso ta brinda bishitantenan vacacionnan feliz y memorabel unda cu nan ta sinti nan mes aprecia, safe y semper bon bini.