Diamars mainta a trata nomber di esunnan cu lo bay traha na Controlaria General (Algemene Rekenkamer) pa cual Sra. Mervin Wyatt – Ras, Presidente di Parlamento a splica kiko a tuma lugar diamars mainta.
Ta trata aki di un peticion cu parlamento a haya, un aanbevelingslijst cu parlamento a haya. Esaki ta data for di 2015 pa nombra un miembro pa Controlaria General. E diferente fraccionnan no por a yega na un acuerdo pa cu e nombernan cu a wordo trece padilanti. Y ora cu Sra. Wyatt- Ras a bira presidente di Parlamento na November, esaki a wordo trata den e reunion d asuntonan domestico. Y aunke cu no a logra yega na un acuerdo cu otro , toch a dicidi pa mand’e den reunion di comision central, ya cu esaki ta mas habri toch y tin tur e fraccionnan.
E ora a trata e peticion aki y e diferente proposicion di e diferente fraccionnan, pero un biaha mas no ta yega na un acuerdo cu otro. A dicidi di bin cu un reunion publico y atrobe, mester bisa cu no a yega na un acuerdo entre tur e fraccionnan. Door di esaki, a dicidi di bay na votacion pa asina sali for di e impasse.
Awo ta asina leu cu lo bay manda e nombernan pa gobernador, pa asina ARA (Algemene Rekenkamer Aruba) por haya su miembro nobo.
Sra. Wyatt- Ras ta contento toch cu a logra sali di e impasse aunke cu e no a bay na e miho manera, ya cu e proceso mester a wordo someti na votacion.
E siguiente paso ta cu ta manda dos nomber, pero e prome ta esun cu e decision lo mester tuma luga. Esey ta e manera usual, segun presidente di parlamento, Sra. mervin Wyatt – Ras. Despues lo mester warda atrobe, pa asina un aanbeveling, dus un lista cu nombernan pa asina nombra un miembro tambe, cu a bay cu pensioen. Dus lo mester bay bek den e mesun proceso aki, pero cu otro candidato. Mester bisa, cu a sali for di uno, pero Parlamento ta keda den espera pa trata e peticion aki tambe, segun Sra. drs. Mervin Wyatt- Ras a bisa.