CUPERTINO, Merca – E presentacion di e telefonnan mas nobo lo ta dia 12 di september den e Steve Jobs Theater na Cupertino, Merca.
E nombernan di e tres telefonnan nobo di Apple, cu lo wordo presenta diaranson na California, Merca, ya ta conoci, segun e portal 9to5mac, specialisa den noticias tocante tecnologia, citando e red social Chines, Weibo.
Riba e pagina a aparece potret cu ta parce di ta mustra un presentación interno di e operador Chines mas grandi di telefon celular, China Mobile, cu a revela e lista y algun caracteristica cu e tres iPhonenan nobo lo tin.
Segun e lista publica riba Weibo, e tres telefonnan lo yama iPhone XS, iPhone XS Plus y iPhone XC, y lo conta cu screen di 5,8, 6,5 y 6,1 inchi, respectivamente. E pantaya OLED di 6,5 inchi lo haci e iPhone XS Plus un di e telefonnan mas grandi ariba mercado y e iPhone di mas grandi nunca antes desaroya.
Apple lo presenta e tres modelonan nobo di iPhone X y un version actualisa di Apple Watch, Apple Watch Series 4 —un generacion di holoshinan di e empresa Mericano cu lo tin un pantaya mas grandi di su predecesor, den un evento programa pa dia 12 di september y cu lo tuma luga den e eatro Steve Jobs di e ciudad Mericano di Cupertino.