Diabierna, 28 di October, directiva di Centro di Bario Playa Pabao, ta organisa nochi di cine pa e muchanan di Playa Pabao y di Aruba en general. E Tema di e anochi aki ta “Halloween”. Esaki ta motibo tambe cu a traha un “spookhuis” na entrada na unda e muchanan por hunga. Tambe e muchanan por bin disfrasa. E anochi di cine y “spookhuis” ta gratis cu e posibilidad pa cumpra popcorn, hotdog y refresco na prijsnan di famia. Ta cuminsa cu e pelicula pa 7’or pm y ta termina 8.30 pm. Pues esaki ta un bon oportunidad pa nos muchanan gosa di un pelicula den ambiente di “halloween” cu nan mayornan. Un invitacion ta bay na mayornan pa compaña nan yiu(nan) y bin disfruta di e “nochi di cine” y “spookhuis” na Centro di Bario Playa Pabao. Directiva di Centro di Bario Playa Pabao ta desea nos muchanan un dushi fin di siman di “halloween” y nos lo topa diabierna anochi na Centro di Bario Playa Pabao. Corda cu nos lo “trick or treat”.