No tur mucha cu nace na Aruba, automaticamente ta haya nacionalidad Hulandes, pa cual Sra. Sharin Luydens, directora di Censo ta elabora mas ariba e punto aki.
Nacionalidad Hulandes ta ‘suis sanguines’, dus e persona a nace di mama of tata Hulandes y e adkiri van rechtswege e nacionalidad Hulandes. No ta paso e persona a nace na Aruba, e ta haya nacionalidad Hulandes automatico. Nacionalidad por wordo adkiri via naturalisacion pa diferente motibonan. Dor di un test di naturalisacion, of e persona no tabata tin niun estado pa tres aña, e por haya un nacionalidad Hulandes.
No ta pasobra cu un mama a haya yiu na Aruba, e yiu ta haya nacionalidad Hulandes. E yiu ta haya e nacionalidad di su mama. Un hende muhe Hulandes cu haya yiu, e mucha ta haya di biaha nacionalidad Hulandes. Si un di mayornan tin nacionalidad Hulandes, e mucha ta haya un nacionalidad Hulandes. Si ta yiu di un matrimonio, di cual un di e mayornan ta Hulandes, tambe e mucha ta haya su nacionalidad Hulandes. Pero un mucha cu ta nace di un pareha cu no ta Hulandes, por wordo inscribi den e Burgerlijke Stand, e por haya su geboorteakte, pero e no ta wordo inscribi den e database di populacion, tanten cu e no tin su permiso.