No tin problema pa cupo pa trata pashent den radioterapia

Dr. Nestor Sanchez Chacin, specialista den radio/oncologia ta splica cu actualmente nan tin mas di 180 pashent atende cu servicio di radio terapia. Locual a tuma luga biaha pasa tabata e culminacion di e 100 pashent cu a ricibi su tratamento.

Un tratamento di radioterapia por dura varios siman, tambe ta depende e status di a pashent cu e cancer. “Radioterapia ta un parti esencial pa logra e curacion di cancer di e pashent. Un tratamento cu no ta haci dolor, e no ta kima of e ta sinti”, dr. Sanchez Chacin ta splica.

E duracion di e tratamento ta dura un 5 minuut y ta un di e sistema mas modern cu tin den e region. Sinembargo un logro pa por atende cu pashent na Aruba, mirando cu den pasado e pashent mester a bay afo.

Dr. Sanchez Chacin ta bisa antes e pashent tabata keda 6 of 8 siman den exterior, separa di nan famia, nan ambiente di nan cas of pais. Pero aki na Aruba nan por haci nan actividad normal y e ta miho pa e calidad di bida di e pashent.

Actualmente dokter Sanchez Chacin ta bisa cu no tin problema pa cupo, pero si kier keda modernisa y tin tratamento mas avansa. Ta spera cu pa otro aña, por haya otro tecnica tambe mas avansa cu e tratamento di radioterapia.

Comments

comments