Masnoticia a bishita Maria College pa combersa cu e directora Angeline Rosenstand riba un aclariacion di un sucedido na Maria College cual tabata simplemente un cambio den protocol, medida di siguridad cu e scol a introduci segun e directora ta splica nos.
E directora ta splica nos cu no tabata tin ningun melding di menasa y ta lamenta con prensa ta bini cubri noticia y divulga cara di e menornan cual a spanta mayornan cu mesora a cuminsa tuma contacto cu e scol. Maria College su nivel di siguridad a wordo adapta na unda a cuminsa haci control di e tasnan prome cu cuminsa cu les, un protocol cu e scol tin cu lo uza ora cu ta necesario. E directora ta expresa cu berdad ta asina cu mester papia cu prensa y duna e sucedidonan y locual como dirigente di scol y mayor ta pidi cooperacion. Por para dilanti scol, pidi un cita cu e scol pa papia globalmente un sucedido sin bay den caso di alumnonan mes, pero sin bay divulga imagennan di e muchanan.
“No ta nechi cu un mayor ta wak riba 24 ora of medio di comunicacion e scol di su yiu, e ta crea hopi panico.”