Siman tras di lomba por a tuma nota cu Bureau City Inspector un biaha mas ta topa cu varios sushi benta den mondinan rond di nos isla, y tin cu activa e ploeg di biaha pa bin haci limpi loke nos propio hendenan ta susha. Ta mustra ta hendenan sin escrupulo y no kier mantene nos isla limpi ta haci e cosnan aki. No tabata bista con a haya e mondi aki na Catiri. Bon trabou n’e team di City Inspector y e Ploegnan riba caya pa e trabounan cu nan ta eherce. Ta di spera cu Gobierno y Minister encarga por cuminsa pone e team aki den oranan di atardi y anochi core caya y asina por gara esnan cu ta comete e actonan aki y multanan di biaha.