Den un reciente entrevista cu vice-presidente di sindicato FTA y abogado, sr. Jose Figaroa ta papia di reaccion den comunidad cu tin problema serio cu no ta duna hende local trabou pa duna e stranhero pa asina paga e persona menos ‘cheap labor’.
Sr. Figaroa ta bisa cu esencial manera un pais tin cu zorg pa su hendenan. Mester drecha e control y duna preferencia na su hendenan local cu ta sin empleo. E ta bisa cu e mercado no mester permiti pa hende stranhero indocumenta drenta y yena e posicion di trabou.
Nan di sindicato FTA no a yega di haya keho ainda, nan a logra mantene gran mayoria di trahado di nan empresa cu no a logra cu pakete. E ta comparti cu mayoria tin e situacion stabiel, na momento cu cuminsa drecha y por tin mas cupo di trabou, ta bira oportunidad pa pone balansa den duna trabou na local.
Pa motibo cu por haya dunado di trabou cu ta prefera paga poco, pero ‘mester corda cu trahado cu salario mas abou no ta sano pa economia tampoco. Nan lo mester tin un reunion extenso pa regla e asunto aki.