Un biaha mas noticia falso ta ser treci den medionan digital unda ta (mal) informa, cu lo bay cera e beach, pa cual a acerca minister Otmar Oduber. E minister ta splica cu ningun momento esaki ta e caso, mas bien lo duna mas espacio pa pueblo usa beachnan local. Cumpliendo cu Beach Policy a dicidi pa re-aloca operacion di surfers na Malmok pa crea mas espacio pa publico.
Awor tin mas espacio pa hopi mas beach pa esunnan cu kier bay recrea cu nan famia na Malmok. Durante dia por a mira algun trabou ta tumando luga na fisherman’s hut unda a hala tur e trailer nan di e windsurfing nan.
DOW a hala nan mas leu for di e beach creando mas beach y mas santo blanco cu por cana y recrea. E kitamento di e trailernan ta parti di e beach policy.
Aki por mira cu no ta kita beach for di e comunidad pero ta duna mas espacio pa tin mas beach awor na Malmok banda di Fisherman’s Hut. E cantidad di trailer a keda mescos, ta solamente a halanan mas patras pega cu e muraya di turtuga, cerca di e parking lot.