AZV pa hopi añanan largo, for di 2001, tin ancra den articulo 3 ta papia di ken ta e aseguradonan.
Tambe e parti di con ta bin na remarca pa AZV. Un ta cu mester ta inscribi na Censo, esaki ta a base di a titulo legal. Esaki ta pa nos hendenan, cu ta bin a base di un permiso Aruba, tin cierto reglanan mas estricto. Unabes cu’n persona kier aplica pa AZV, e tin cu e inscirpicion na Censo, e mester por prueba cu e ta biba na Aruba y den e caso ey, cu e tin un permiso valido. AZV su ley ta bisa cu pa bo keda prolonga e permiso, lo mester entrega e peticion pa permiso nobo na tempo.
Ta papiando di aseguradonan, e mayoria hopi biaha ta hendenan cu ta bin di afo pa bin traha na Aruba y pa tempo defini, p.e permiso di 1 aña. E mesun articulo aki cu ta papia di e aseguradonan, e ta bisa cu bo mester haci un peticion na tempo, pa asina por keda prolonga e AZV. Pero e ultimo añanan tabata hopi flexibel, tabata tene cuenta, tabata tin critica sea ta Censo of DIMAS of AZV a tarda den algun proceso administrativo. E ora AZV a mehora su proceso, e ta conoci cu awo AZV tin algun aña caba ta trahando mas den colaboracion cu tanto Censo y DIMAS y asina a mehora varios cos.
Un di e cosnan cu nan kier haci awo ta pone mas enfasis pa e importancia pa e personanan pa un tempo indefini, pa nan percura pa nan haya sa cu tin e posibilidad awo, cu tres luna di adelanta cu e permiso ta caduca, por haci peticion nobo na DIMAS. Bentaha di esaki, cu nan momento cu haci e peticion na tempo, ta pasa AZV y por prolonga e esaki. No ta bay tin periodo intermedio cu problema di gastonan medico, pasobra cu no a entrega e permiso na tempo, cu ta bay tin buraco di periodonan cu e persona no ta sigura.
E cambio mas grandi ta bay ta, cu entrante 1 di januari 2019 AZV no ta bay tin flexibilidad mas. Añanan anterior tabata tolera toch. Un partido no a cumpli na tempo cu e proceso administrativo. Tin clientenan cu ta bisa cu el a entrega su permiso na tempo, esaki no a keda cla na ora of cu enbes di tres siman, ta hay’e den 6 siman.
Aworaki AZV ta bisa cu tu partido ta ariba un solo liña, e asegurado di AZV cu tin un permiso pa tempo defini, percura pa e ta na tempo cu e permiso pa evita cualkier dolor di cabes pa e seguro di AZV.
Te cu dia di awe AZV tin un sistema hunto cu e dunadonan di cuido, cu nan por wak via e werkportaal di AZV nan por wak data realtime. Na e momento ey, cu e asegurado ta su dilanti, e dunabo e zorgpas. Aunke e zorgpas tin un fecha di vencimento ariba dje, e por wordo controla toch, y e ta un deber pa nan como dunado di cuido. E ta hopi importante pa controla esey ariba e werkportaal di AZV.
E mensahe principal, ta cu entrante 1 di januari 2019 AZV no ta bay ta flexibel mas cu aseguradonan cu tin permiso. Esun cu ta inscribi na AZV a base di un permiso mester percura cu e permiso ta na ordo na tur momento. Pasobra cu un parti di e Ley di AZV ta exigi esey di nan, y aworaki cu AZV, DIMAS y Censo ta traha hunto, ya caba e proceso ta hopi mehora, aworaki ta tempo pa e grupo di personanan aki, cu ta rond di 400 persona pa aña cu mester cumpli cu esaki debidamente.
Un dokter semper lo evalua e urgencia di e pashent, a base di e urgencia e lo defini of bisa e pashent kico ta e opcion. E ta keda na e dokter si e ta duna e servicio si of no. Pero dentro di su profesion medico, e mester haci e evaluacion si e ta tratando di un caso, p.e. Di bida of morto, ta keda na dje si eta atende si of no.
Un otro opcion ta cu e por duna e servicio y toch percura pa e pashent regla su AZV ainda. Pero loke AZV kier ta pa e 400 aseguradonan cu tin nan AZV a base di permiso di DIMAS, mester percura cu nan tin tur cos na ordo constantemente.
Tin 300 pa 400 persona, cual por varia. Pero un biaha mas, entrante 1 di januari 2019, mester zorg pa nan permiso na tempo na DIMAS, pa nan no tin periodo cu nan no tin AZV cu por trece problema pa nan. AZV semper tabata flexibel ora cu nan por a prueba cu nan tin nan peticion aden y tabata prolonga esaki. Pero ta haya casonan unda cu nan no ta haya permiso nobo, unda ta haya un situacion cu e cliente no a haya e permiso, cu e tin e responsabilidad no solamente cu AZV pero tur otro partido. Esun cu ta na Aruba cu permiso pa tempo defini, mester percura pa haci entrega di e documento na tempo, pa e peticion nobo.
Pa AZV e parti medico ta importante, pero ta responsabilidad di e asegurado. P’esey ta informa aseguradonan cu tin un permiso pa tempo defini. Te asina leu, e splicacion di Sra. Solange Tchong, vocero di AZV.
