Departamento di Impuesto ta participa na tur cliente di DIMAS cu mester haci pago di permiso, cu entrante dia 27 di Juni te cu 3 di Juli 2017 no ta posibel pa haci pago di permiso na oficina principal na Camacuri. Esaki debi na e deadline pa cu pago di number di auto y tambe grondbelasting. E clientenan di DIMAS por acudi na e oficinanan di gobierno na Noord, Paradera, Santa Cruz, Savaneta of San Nicolas pa haci pago di permiso.
Departamento di Impuesto ta pidi e clientenan di DIMAS pa tuma bon nota di e participacion aki pa evita cualkier inconvenencia.