Departamento di Salud Publico ta bolbe haci apelacion na comunidad
Manera conoci Departamento di Salud Publico a anuncia atraves di medionan di comunicacion, dianan 22 di maart te cu 07 di april, e localidad “Kill Cage” ta cera pa construccion y no lo por acepta ningun animal durante e periodo menciona aki.
Awe mainta servicio Veterinario mester a presenta un bes mas pa motibo cu tin animalnan cu a wordo laga atras na e localidad.
Departamento di Salud Publico ta conciente cu e animalnan riba caya ta forma molester y esaki no ta un problema di awe pero cu ta bin ta cresiendo desde algun aña caba.
Comunidad ta desea pa e localidad aki wordo cera permanentemente pero tanten cu no tin un solucion duradero, locual nos ta trahando riba dje, ta dificil cera e localidad aki.
Na e momento aki e localidad ta cera temporalmente y asina mes nos ta keda encontra animalnan cu ta wordo laga na e localidad.
Nos ta pidi cooperacion un bes mas na comunidad pa asina nos por keda cla cu e localidad aki lo mas pronto cu ta posibel.