Despues di e accidente na Bushiri, polisnan a bin topa cu un accidente den Rancho unda aparentemente un chauffeur a trata di huy pero e no a logra yega mucho leu.
Ta parce cu e vehiculo March a dal den un scooter. Pero el a trata di sigui core, El a yega solamente algun 100 meter mas leu ora cu el a dal den acera y a kibra un riem completo.E chauffeur a disparce e momento ey.
Den su intento pa huy, el a dal den un Skyline cual a causa rabia cerca algun persona, kendenan a destrui e glasnan di e Nissan March. A surgi un situacion tenso na e sitio ya cu tabatin un confusion kende tabata e berdadero persona cu tabata maneha e Nissan March.
E vehiculo aki tabata envolvi algun rato prome den un incidente na Dakota cu tiramento di boter,
No solamente esey, pero a sconde e scooter den un caso eybanda pa cual polisnan a rondona e cas. A haya permiso pa kibra e porta y confisca e vehiculo. A detene un persona cu a bin haci fastioso eybou y no sa kico ta su rol den e accidente.