Na e momentonan aki ta tuma luga na Japon Weganan Olimpico. Na mesun momento tin un encuentro importante unda ta bay eligi e vicepresidente nobo di Comite Olimpico Internacional.
Nicole Hoevertsz lo bay sigui cu su trabounan den Comité Olimpico Internacional ora cu e reemplasa Anita DeFrantz diaranson como vicepresidente di e organización.
Nicole Hoevertsz ta e único candidato pa e posición di vicepresidente c uta keda bashi ora cu e medayista di brons Mericano DeFrantz, kende a sinta dos termino di cuatro aña caba.
E votación lo tuma luga diaranson.
Hoevertsz ta un miembro desde 2006, pero ta parti di e Hunta Ehecutivo pa cuatro aña so.
El a wirdi apunta caba na 2019 como Presidente di Comision di Coordinacion pa Weganan Olimpico di 2028. Tambe e ta presidente Grupo di Implementacion Ruso pa Atletanan Olimpico, encarga pa finalisa e regla y regulacionnan pa participación di atletanan Ruso na Pyeongchang 2018, y ta vicepresidente pa e Comision di Coordinacion Paris 2024.
Su termino den Hunta Ehecutivo ta finalisa na 2025, c uta e mesun sesión unda cu IOC mester eligi e sucesor di Bach como presidente despues cu el a sirbi e termino máximo di 12 aña.