CARACAS, Venezuela- Vice Presidente di Comunicacion, Cultura y Turismo, Jorge Rodriquez, a confirma e ehecucion di un atentado contra di e presidente di Venezuela, Nicolas Maduro Moros, di cual el a sali ileso.
El a bisa cu e explosionnan a tuma luga pa 5 or y 41 di atardi, hora di Caracas, mientras cu e hefe di estado tabata encabesando un acto pa e di 81 aniversario di Guardia Nacional Bolivariano, riba e avenida Bolivar di Caracas, algun caya leu for di e palacio presidencial.
Durante e actividad, miembronan di GNB a grita y a cuminsa core repentinamente for di e luga despues di a skucha zonidonan duro a keda filtra durante cadena nacional.
https://www.facebook.com/ActualidadRT/videos/10157266888153273/
E zonido di e discurso di Maduro a wordo corta di biaha y e transmision a wordo corta di biaha.
Rodriguez a bisa cu “varios artefacto bulado”(drone) cu carganan explosivo a wordo benta abao pa efectivonan militar di e guardia presidencial.
Shete guardia nacional a resulta herida den e explosion aki y ta wordo atendi den hospitalnan di Caracas.
Mas atardi Maduro a duna un conferencia.
https://www.facebook.com/ActualidadRT/videos/10157266901258273/
Link video cortesia di RT Español.