Internacional: E presidente di Venezuela, Nicolas Maduro, a sostene un conversacion telefonico cu e presidente di Gobierno autonomo Palestino, Mahmud Abbas, tocante e crisis na Gaza, reiterando su apoyo na pueblo palestino, segun un comunicado di Gobierno di Venezuela.
Den e comunicado ambos mandatario a combersa tocante kico gobierno di Maduro a clasifica como “atakenan indiscrimina na e poblacion civil, haci pa Israel.” Caracas ta argumenta cu Israel “a crusa e liña di respet na derecho humanitario internacional y a viola acuerdonan internacional,” y cu Abbas a entrega na Maduro un informe detaya tocante e ultimo desaroyonan den e region.
E conflicto a laga te awe mas cu 1.400 hende morto na Israel, mas cu 2.600 na Gaza y mas cu 150 israeliano secuestra pa Hamas. Israel ta prepara pa un invacion terestre y a manda e advertencia na e poblacion den norte di Gaza pa desplasa nan mes inmediatamente pa e zuid.
Maduro a reafirma “su apoyo incondicional na e causa palestino,” y ta sostene e vision di Abbas pa “e restablecimento di legalidad internacional, door di cumplimento di resolucionnan di organisacion di nasionnan uni y e respet na e compromisonan di e parti den cada un di e negosacionnan.”
Venezuela lo manda mas cu 30 ton di yudansa humanitario den e proximo dia na Gaza. E pais ta sigui su compromiso na sostene e pueblo palestino den e momentonan dificil cu nan ta biba.
