Nicolas Maduro ta pidi ayudo cerca Papa Francisco

INTERNACIONAL: Presidente di Venezuela, Nicolas Maduro a bisa cu el a manda un carta pa Papa Francisco pa pidi yudansa pa un proceso di dialogo pa resolve e crisis crea pa e auto proclamacion di Juan Guaido como presidente interino y e reconocimiento di esaki por di varios pais. “Mi a manda un carta pa Papa Francisco, mi ta spera cu el a yega of ta jegando Vaticano, na Roma, bisando cu mi ta na servicio di e causa di Cristo. Y cu e spirito aki mi ta pidi su judansa a un proceso di facilitacion y pa forza un dialogo”, asina Maduro a declara. Maduro a bisa cu el a pidi Papa Francisco pa haci su maximo esfuerzo pa contribui na un caminda pa dialogo. “Nos ta spera riba un contesta positivo”, Maduro a añadi. Esaki ta prome biaha cu e ta solicita e intermediacion di Papa Francisco den e crisis politico cu Venezuela tin ta bibando ja pa varios aña.

Comments

comments