CARACAS, BEIJING – Diaranson, presidente di Venezuela, Nicolas Maduro a sali di biahe pa China pa reuni cu su homologo Xi Jinping. Meta di e biahe aki ta pa “eleva e relacion” entre Caracas y Beijing. “Mi ta bay cu speransanan grandi y expectativanan pa mehora, amplia y profundisa e relacionnan cu e potencia mundial grandi aki, Republica Popular China”, e mandatario a bisa, un rato prome cu el a subi avion na Caracas.
Maduro a destaca cu e reunion cu Xi ta “necesario” pa avanza den e acuerdonan di “asociación strategico” cu e pais Suramericano tin cu China den materia di comercio, energia, finanzas, tecnologia y comunicacion, den e contexto di Plan di Recuperacion Economico cu e gobierno Venezolano a cuminsa.