CARACAS, Venezuela – Faltando algun hora pa e asumi su di dos mandato presidencial, y denuncia como ilegitimo pa 13 di e 14 canciyernan di e Grupo de Lima, presidente Nicolas Maduro a reta e bloke aki di ratifica nan postura riba Venezuela y su gobierno. Di otro modo, e lo tuma loke el a denomina “medianan corespondiente na defensa di nan soberania y integridad”.
E Asamblea Nacional Constituyente di Venezuela diamars a aproba un decreto cu ta rechasa e posicion di e Grupo de Lima “pa su pretension di desconoce e autoridad legitimo di e Republica Bolivariana de Venezuela cu mira ariba 10 di januari, dia riba cual lo realisa e acto di huramentacion die presidente constitucional, Nicolas Maduro Moros, pa dirigi e pais den e periodo di 2019-2025″.
Pa 10 or di mainta di diahuebs, e mandatario lo wordo huramenta pa e TSJ mei mei di e desaprobacion di gobierno y organismonan multilateral y di hopi conciudadano, specialmente esunnan den exilio.