Con un infancia cu ta desaroya liber di ideanan prefabrica ariba e manera di con un yiu mester hunga, bisti of comporta su mes? E idea ta pa e muchanan mes scoge na cual genero nan kier pertenece.
Poco cos di berdad ta defini profundamente e futuro di un criatura cu ta bin na mundo. Entre nan, e prome ta e posicion socio- economico di e famia. Y e di dos ta si nan ta yam’e mucha muhe of mucha homber. Pa elimina al menos un di e condicionnan aki y haci e destino di su yiunan homber of muhe, algun mayor ta explora un estilo di crianza diferente: nan ta considera nan yiunan di genero neutral.
E forma di educa nan yiunan asina kiermen cu e mayornan no ta revela e sexo di nan baby ora cu e nace y lo evita di referi na dje como mucha muhe of mucha homber, pero ta haci’e neutral, nan. Y esaki ta rekeri hopi trabao, ya cu pa e welonan esaki ta algo dificil, of na scol lo tin cu splica e leid (st)ernan den forma detaya, ya cu e mayornan ta cuida di e infancia di nan yiunan desaroya liber di ideanan fiho riba identidad di genero of con nan mester hunga, bisti, comporta nan mes, of con nan mester ta.
Bobby McCullough a pidi e personal di verloskamer cu a atende su casa, Lesley, cu como “minimo” no describi e anatomia di e baby”. Esaki ta pa e mucha crece sin wordo confundi cu su sexo, cu ta coresponde na un catalogacion anatomico, cu e genero, cu ta e construccion social cu cual e persona ta sinti su mes identifica. Tambe nan a pidi un ‘geboortebewijs’ cu cuater strea, unda cu normalmente ta bisa “homber” of “muhe”.
E prome caso cu a hala atencion internacional y cu a causa un scandal, tabata ora cu Kathy Witterick y David Stocker a presenta nan baby Storm na 2011. Su mayornan a dicidi pa nan yiu no tin genero di sexo y pa laga e mes desaroya di e manera cu e lo kier.
Storm a desaroya su identidad sin problema, y na 2016, cu 5 aña y mei, el a bisa cu e ta prefera nan referi na dje, como mucha muhe, segun informenan. Pasobra cu casi tur mucha cria di e manera aki, ta completa nan identificacion di genero prome cu nan laga kleuterschool.
Otro cu a hala atencion tabata “Zoomer”, cu ta wordo cria sin genero di sexo. Segun su mama, Kyl Mylers, Zoomer, cu actualmente tin 2 aña, lo laga nan sa cual ta su genero di preferencia, ora cu e tin 3 of cuater aña. Y nos lo ta di acuerdo cu esaki”. Kyl ya caba tabata pensa di cria su yiu di e manera aki, prome cu el a conoce e tata di Zoomer, Brent Courtney.
E tipo di mayornan aki ta biba den un mundo caminda, segun nan concepto, bo no ta siña nada y tur cos ta wordo impone na bo, y e experiencia aki ta loke nan kier pa nan yiunan no pasa aden. “Ken y con e lo tabata ta si nan no a forsami pa tabata cisgenero y femenino”?, Andrea a puntra. “Mi kier pa mi yiu por biba di un manera mas liber cumi”, el a conclui.
Fuente: https://www.infobae.com/
