Neymar no mag participa na celebracion di titulo campeonil di PSG

Neymar y Marquinhos no mag di participa mañan na e celebracion riba tereno di e titulo campeonil di PSG ora e ultimo wega finaliza. E dos hungadonan kendenan ta geschorst no mag di ni subi tereno despues di e pitazo final di e ultimo wega di e Campeonato Frances entre PSG y Dijon. Segun prensa Frances, PSG lo por haya mas sancionnan si e dos Brazileronan toch forma parti di e celebracion y ta riba tereno di bala. E ekipo dirigi pa Thomas Tuchel ja caba a gana e titulo campeonil, pero lo haya e trofeo djis despues di e pitazo final di e ultimo wega riba calendario cual ta tuma luga mañan. Neymar mester cumpli cu cinco wega di straf impone dor di e comision di castigo di e Federacion Frances di Futbol y esaki ta debi cu despues di un wega el a agredi un fanatico di ekipo di Stade Rennes despues cu PSG a perde e wega ey tambe. E internacional Brazilero lo mira accion toch ainda e temporada aki durante e Copa America cu seleccion Brazilero cual evento ta ranca sali dia 14 di Juni venidero.

 

Comments

comments