PARIS, Francia- E ekipo Frances, Pari Saint-Germain diaranson a anuncia cu e Brazilero Neymar lo wordo opera di fractura ricibi diadomingo ultimo.
Cu esaki tambe ta keda descarta cu Neymar lo ta disponibel pa e duelo di Champions League diamars otro siman, contra di Real Madrid, den octavonan di final.
Despues di a efectua un balans medico tres dia despues di e lesion, “segun e hungado”, a keda dicidi pa bay pa un operacion, segun e club den un comunicado.
E operacion lo tuma luga e fin di siman aki na Brazil y lo wordo efectua pa e dokter Brazilero die seleccion di Brazil, Rodrigo Lasmar, y lo wordo asisti pa e prestigioso dokter Saillant, cu ta asesora PSG, e club ta sigui bisa den e comunicado.
E noticia di e operacion di Neymar ta caba cu e suspenso di e presencia di Neymar den duelo decisivo octavonan di final den e Champions League contra di Madrid, unda cu PSG a hunga parti di su temporata y lo mester bons bek di e perdida di 3-1 cu el a sufri den e stadion Santiago Bernabéu.
Fuente: https://www.efe.com