E lockdown di New Zeeland a cuminsa diamars cu un solo infección, e prome caso transmiti localmente desde februari. E pashent ey a contagia cu e variante Delta di coronavirus. Autoridadnan desde e dia ey a descubri otro 30 caso activo, incluso 11 infeccion transmiti localmente cu a wordo anuncia diabierna.
Prome Minister Jacinda Ardern a bisa cu e lockdown lo duna e contact tracers un chens pa evalua con grandi e impacto di coronavirus ta pafo di Auckland, e ciudad mas grandi di New Zeeland y unda cu a identifica e prome caso. Algun caso a wordo descubri den e capital, Wellington.
E extensión lo keda te cu diamars pa 11.59 di anochi. Autoridadnan lo reevalua e situacion dialuna, Ardern a bisa.
E pashent den centro di e mas reciente cluster tabata un homber di 58 aña kende no tabata vacuna y kende a biaha pa otro partinan di e pais, y no tin ningun conexion cu frontera, director general di Salud Ashley Bloomfield a bisa diamars.
Su diagnostico a pone cu Ardern y oficialnan di salud publico introduci nivel cuatro di lockdown, e nivel di mas estricto. E medida ta nifica tur hende mester keda cas y negoshinan ta cera, cu excepcion di servicionan escencial manera supermercadonan y farmacianan.
“Nos ta un di e ultimo paisnan na mundo pa haya e variante Delta den nos comunidad,” Ardern a bisa diamars. “Nos ta den e posicion pa siña di experiencianan den exterior, y kico ta funciona y kico no.”
Na inicio di e luna aki, New Zeeland a anuncia plannan pa cuminsa habri su portanan pa biaheronan vacuna procedente for di paisnan di poco riesgo. Esaki na inicio di 2022.