NEW YORK (AP) — E ciudad di New York a declara un emergencia publico pa un surgimento di sarampi y a duna ordo pa vacuna algun di e personanan cu lo por a wordo exponi na e virus.
E ordo di e alcalde Bill de Blasio ta inclui residentenan di cuater codigo postal den bisindario di Williamsburg, na Brooklyn, unda cu mas di 250 persona a pega cu sarampi desde september.
Segun e ordo, tur habitante di e zona aki cu no tin e vacuna contra di sarampi y cu lo por a wordo exponi na e virus. Esaki ta incluyendo muchanan mas grandi di 6 luna, mester wordo vacuna. Esun cu no haci esaki, lo por haya un boet di te hasta 1000 dollar.
E manifestacion di mas grandi ta entre e gran comunidad Hudiu ortodox di Williamsburg.
E siman aki, e municipio a duna ordo na scolnan religioso y programanan infantil di e comunidad ey no ta permiti entrada na studiantenan sin vacuna. Si nan no haci esaki, nan lo por cera e centronan aki.