NEW YORK CITY, New York – Riba e grito di “No ta im presidente!” y riba ritmo di cancionnan patriotico y di protesta, mas of menos 3000 persona a manifesta na New York contra di Donal Trump y a sigui haci esaki riba e dialuna feria, cual na Merca ta celebra President’s Day.
Manifestantenan di tur edad y rasa a concentra bao di e solo invernal di merdia na Columbus Circle, dilanti di Trump International Hotel y den e banda west di Centrla Park, pa expresa nan insatisfaccion cu e Gobierno nobo den e ultimo di decenas di protestanan cu a sacudi e pais desde cu Trump a yega na Cas Blanco un luna pasa, AFP a informa.
Apenas cu a cuminsa cu e manifestacion, y atabata tin mas of menos 3000 persona, segun un conteno no oficial di polis, cu a cera varios caya di e caya Central Park West. Mas of menos un 15 mil persona a bisa cu lo acudi na e protestanan convoca riba Facebook.
E ciudad di New York no ta provee di cifranan oficial di asistencia na manifestacionnan. “Trump ta dañando e pais. Si nos no haci algo, nos lo perde Merca prome cu nos haya esey. Pesey den e ultimo cuater dianan, mi a bay na cuater protesta. Kico mas mi por haci? Ta e unico manera pa yega Congreso,” un di e manifestantenan Rima Strauss, un psicoanalista hubila di mas of menos 70 aña cu ta biba entre New York y Washington DC.
Protestanan similar riba President’s Day tabata planea den otro ciudadnan grandi manera Los Angeles, Chicago, Atlanta, Philadelphia of Washington DC.
Fuente: El Universal