Diabierna 25 di November Staf y Personal di New India a ricibi Staff y Personal di nan brokernan na Pure Ocean na Divi Phoenix Hotel pa gradicinan pa e tremendo colaboracion durante e añanan. Señor Debjyoti Mitra, actual Chief Operating Officer, kende ta representante staciona aki di nos compania madre na India, a pone enfasis riba e rol importantisimo cu brokernan ta hunga den e crecemente continuo di New India na Aruba y hunto cu Sra. Kaveri Raghunath, Managing Director di New India Aruba, a yama un caluroso bon bini, y alabes un danki di curason pa nan presencia, na Insurance Departments di RBC, Aruba Bank, CMB y tambe na Boogaard Assurantien, Nos Seguro, ASCA, Verdant Insurance, Crystal Insurance, AHI, WIS, CIB, NCW; lamentablemente Seguros Geerman, AON, Atlas Risk Solutions, Insurance Department Banco di Caribe y Worldwide Insurance no por tabata presente e anochi ey.
Tur hende a disfruta di e exkisito cuminda cu Pure Ocean a prepara pa e anochi special ey y mas cu claro tambe di e bebidanan pa deleita paladar cu a keda ofreci pa e personal profesional y amabel di Pure Ocean. Tabatin tambe bailamento riba e tononan melodioso di e banda Provoke. E anochi tabata asina ameno cu New India a extende e celebracion cu mey ora mas te cu 10:30!
New India Assurance ta sirbiendo Aruba pa mas cu 50 aña cu e miho servicio, respaldo y cobertura confiabel y nan ta conoci como e Compania di Seguro cu ta brinda 24/7 Free Road Service cu e “customer satisfaction” mas halto di nos isla.
Cu un alma yen di gratitud, New India ta haci uzo di e oportunidad aki pa, desde awo caba, desea tur hende cu ta biba riba e dushi baranca aki un Pasco yena cu profundo goso y un cambio di aña super safe!