Den cuadro di 55 aña di New India Assurance na Aruba, nan ta rifando un KIA Rio nobo nobo. Pa tene nan clientenan contento, nan a bin cu’n campaña di sigura y gana cu New India Assurance. Sra. Kaveri Raghunath, di New India Assurance ta splica mas di e campaña.
Pa e ultimo lunanan, nan ta bezig cu nan campaña ariba Facebook. Tur luna nan tabata tin premionan atractivo. Y esaki ta e ultimo luna cu nan ta haci esaki. Pero dia 16 di augustus nan ta yegando nan 55 aña y nan lo ta rifando un KIA Rio nobo nobo. Sra. Raghunath ta invita un y tur pa bin cera un seguro cu New India Assurance y participa den e campaña aki. Tur polisa cu wordo cera entre awo te cu 16 di augustus, e polisa ta valido y asina participa den nan campaña.
Sra. Raghunath ta splica cu 55 aña na Aruba, ta algo di celebra y nan ta spera di haci un persona feliz cu un KIA Rio nobo nobo y ta splica tocante e reglanan di campaña.
Reglanan di campaña ta como lo siguiente:
E campaña tan spera a cuminsa y abo tin chens di celebra New India su 55 aña na Aruba cu style: den un KIA Rio nobo nobo.
Pa participa ta masha fasil:
1. Zorg pa bo tin un polisa valido na New India Assurance (y si bo no tin, sera un prome cu 16 di augustus)
2. Like nos Facebook page
3. Share e post aki
4. Bisa nos dicon abo merece di gana un auto nobo
5. Tag tur hende cu bo lo hiba cubo pa dal un bocht!
Esaki ta e campaña cu bo no kier perde. Sigura pa bo gana cu New India Assurance! #NewIndia#Celebrando55 #TrustedbyMillions
Reglanan pa participa:
E campaña pa clausura e celebracion di New India Assurance su di 55 aña na Aruba ta start 2 di juli y ta culmina cu e anuncio di e ganador of ganadora dia 16 di augustus. Pa participa bo mester tin un polisa di seguro valido riba bo nomber na New India Assurance. Polisanan di seguro nobo cu a cuminsa den e periodo di e campaña tambe ta conta como valido. E campaña ta tuma lugar exclusivamente riba Facebook. Pa por gana mester completa e instruccionnan menciona ariba.