NEW DELHI, India – E Gobierno estatal di New Delhi, a exigi Philip Morris International y otro fabricantenan di sigaria, pa retira inmediatemente tur propaganda for di e tiendanan di tabaco den e capital Indio, diasabra. E productornan lo wordo hiba dilanti hues, si nan ignora e reglamento aki.
E medida di e Gobierno local a sali na cla algun dia pasa, despues cu a keda conoci cu Philip Morris tabata bezig ta promove su bestseller Marlboro, door di parti sigaria por nada y haci publicidad riba e puntonan di benta. E tactica aki ta, segun autoridad esaki ta violacion di ley.
Ambtenaarnan Indio ya varios biaha a mustra cu propagandanan di tabaco door di nombra e nomber di marca of haci uzo di slogans, ta prohibi.
Philip Morris y ITC Ltd, ta wanta duro cu propagandanan den kiosco y tienda si ta permiti. Nan no a reacciona ainda riba e decision tuma riba diasabra.
Fuente: www.nu.nl