Aña 2019 no a ni cuminsa y ya caba ta necesario pa manda advertencia pa tur hende riba un reto nobo cu ta bayendo viral. Netflix mester a pidi e fanaticonan di e pelicula “Bird Box” pa n haci loke ta wordo haci den e pelicula. Den e pelicula un famia cu wowo tapa mester enfrenta retonan diario pero esaki den un mundo apocaliptico, esta cu fin di mundo ta serca. Cu nan cara tapa nan mester sobrevivi tur e menasanan cu e mundo ta trece cune. E por oarce un chansa, pero riba su rednan social, Netflix ta hala full di e reto aki y ta haci peticion na tur hende pa no hacie. E motibo ta cu hopi hende a cuminsa haci esaki y dor di retonan diario na cas, na trabao y tur caminda ja caba accidentenan lamentable a sosode cu hasta por yega na situacionnan fatal pa e persona cu ta haci e reto aki. “Porfabor no haci boso mes daño”, Netflix a declara. E reto aki ta peligroso y mester corda semper cu e ta basa riba un pelicula di ficcion, esta cu tur cos ta controla den e pelicula, mientras cu si bo haci’e na bo cas, na trabao of riba caya, no tin control y cosnan por sali for di man hopi lihe y asina causa hopi daño na bo persona y sigur tambe na otronan.