Ehecutivonan di Netflix ta bay haya un aumento grandi e fin di aña’ki. CEO Reed Hasting lo haya un suma di 31.5 miyon Dollar den salario y ta haya e opcion pa haya share den stock di e compania pa otro aña. Ted Sarads, kende ta en carga cu contenido di NetFlix, lo haya e mesun suma cu Hastings. E salario basico di Hastings ta 700 mil Dollar mientras cu Sarados ta haya 18 miyon den salario. Esaki ta prome biaha den hopi aña cu Netflix ta compensa e dos top ehecutivonan igualmente, demostrando asina con hopi e compania ta balora Sarandos. Netflix lo sigui estrena mas show cu contenido original, peliculanan, documentario y comedianan pagando e artistanan grandi y top hopi placa pa esakinan. E pago na Hastings a subi cu 7 porciento compara cu aña pasa mientras cu Sarandos a subi cu 20 porciento. Netflix a crece rapidamente den 2018 y e compania a raporta cu nan tin137 miyon cliente full rond mundo. E aña’ki, Netflix a cumpra e compania di produccion ABQ Studios, e prome cu e ta cumpra y esaki lo bira su “home base” pa futuro produccionnan di su shownan cu contenido original. Pero tambe el a gasta 8 billion Dollar den produccion di shownan cu contenido original y peliculanan den 2018. E compania a bende hopi share durante e aña’ki p’asina e por a trha su shownan. E sharenan di Netflix a subi cu 33 porciento en general den 2018 apesar cu e stocknan riba bolsa mundial a conoce caidanan formal den 2018.
- Latest
