E compania Suizo Nestlé a perde su bataya huridico largo pa registra como marca e forma di cuater bara di su chuculati Kit Kat, despues di cu e Tribunal di Husticia di Union Europeo a dicta sentencia, den su contra.
Na 2002, Nestlé a solicita e Oficina di Propiedad Intelecutal di Union Europeo (EUIPO na inlges) e diseño di barra di Kit Kat como marca y a haya e derecho ki na 2006. Sin embargo, e compania Cadbury Sweppes (cu awo ta propiedad di Mondelez International) na 2007 a entrega un contrademanda pa declara e registro nulo. Esaki tabata e comienso di un bataya legal cu a dura 10 aña
Mondelez ta doño tambe di Freia, un compania Noruego di fabricacion di cos dushi, cu na 1937 a lansa algo similar, di cuater barra di chuculati cu lechi, ‘Kvikk Lunsj’.
E version di Nestlé a wordo fabrica pa prome biaha na 1935 na York, Inglatera. El a wordo renombra ‘Kit Kat’ dos aña despues y a cuminsa wordo exporta den decada di 1950.
Na 2016, e Tribunal General di Union Europeo a pronuncia su mes na favor di Mondelez y a anula e decision di EUIPO, afirmando cu e forma aki den forma di barrita no a adkiri un “caracter distintivo” den henter UE. Tanto Nestlé como Mondelez a apela e decision. Nestlé a argumenta cu pa proba cu chocolatina tin caracter distintivo den tur e estadonan miembro di UE ta un caminda mucho largo, mientras cu Mondelez a cuestiona e hecho di cu ‘Kit Kat’ di Nestlé lo por tin un caracter distintivo den diez pais.
Awo, e fayo di TJUE di diaranson a confirma e caracter distintivo pa un marca cu den un principio tabata carece di caracter distintivo propio mester mustra Union Europeo completo den un parti substancial di su territorio”, Euronews a informa.
Euronews