Internacional: Despues di lansa un regla nobo pa exigi oficinanan di enlace di medionan di sosial den e pais, Nepal a bay den sentido contrario y a BAN tur TikTok, e aplicacion traha na CHINA, pasobra nan ta bisa cu su contenido ta malo pa harmonia sosial.
E decision a wordo tuma poco dia despues di nan a implementa un regla nobo cu ta pidi firmannan di medionan di social pa establece oficina di enlace den e pais. TikTok, cu tin mas o menos un biaha di 1 bion di usuarionan, a keda prohibi door di varios pais, incluyendo India.
Montana na Merca a bira e prome estado cu a prohibi TikTok, mientrastanto Parlamento di Reino Uni a prohibi e aplicacion di nan red.
A agrega cu e blokiamento lo drenta na vigor inmediatamente y a duna autoridadnan di telecomunicacion direccion pa implementa e decision.
Sinembargo, Gagan Thapa, un lider prominente di Congreso Nepali, cu ta parti di e gobierno di coalicion, a puntra e decision di gobierno pa prohibi TikTok. El a bisa cu ta un intento pa limita libertad di expresion y cu nan mester enfoca riba regula e plataforma.
TikTok a bira obheto di investigacion di autoridadnan rond di mundo pa motibo cu nan ta preocupa cu nan por pasa informacion na gobierno Asiatico. ByteDance, e empresa mayo, a rechasa e alegacion anteriormente. TikTok no a duna ningun comentario riba e prohibicion mas recien di gobierno di Nepal.
TikTok ta e di tres plataforma mas usa nacionalmente. Mientras YouTube y Facebook ta popular entre usuarionan di internet di tur edad, TikTok ta hopi popular entre e grupo di edad hoben, cu mas di 80% di usuarionan di social media entre 16 y 24 aña ta usa e plataforma.
