Nemo di Suisa a halsa como e campeon di Eurovision 2024 cu e cancion “The Code”. E cantante di pop di 24 aña, conoci pa uza e pronombernan they/them, a cautiva tanto e hurado como e votadonan di e publico, superando e competidonan cercano manera Croacia, Francia y Italia.
“The Code”, un obra maestra cu ta combina e elementonan di opera, pop, rap y baile, a word oskirbi pa Benjamin Alasu, Lasse Midtsian Nymann, Linda Dale y Nemo. Inspira p’e opera Carmen di Georges Bizet y evocando e esencia dramatico di e frankicia di James Bond, e cancion a lag aun impresion duradero riba e publico.
Na momento cu el a acepta e trofeo di e ganado di aña pasa, Loreen, Nemo a expresa gratitud n’e votadonan y a enfatisa e importancia cu e concurso representa e dignidad y paz. E sentimento aki tabata specialmente conmovedor mirando e controversianan cu a rondona e evento di e aña aki.
Pafo di Malmö Arena na Suecia, e activistanan pro-Palestia a protesta p’e participacion di Israel den e final, mientras cu e paden di e luga, tabatin interupcion. E concursante di Hulanda, Joost Klein, a wordo descualifica y e concursante Frances, Simane, a entrega un yamado apasiona na paz durante e ensayo final.
A pesar di e ambiente tumultuoso, e concurso a sigui cu actuacion memorabel di artista manera Nebulossa di Spaña, Bambie Thug di Irlanda y Alyona Alyona di Ucrania. Sinembargo, tabata e actuacion cautivador di Nemo cu finalmente a sigura e victoria.
Mientras e boenan tabata resona den e arena durante e actuacion y votacion di Israel, e triunfo di Nemo a lanta como un testimonio di e poder di musica pa trascende e controversia. Na momento cu el a interpreta “The Code” un biaha mas, Nemo a cera un Eurovision diferente na cualkier otro, lagando un marca perdurabel den e emblematico concurso.
