Empleadonan di AruBus a reuni cu sindicato SEPPA siman pasa riba e punto di no ta di acuerdo pa entrega 12.6% di nan salario pa motibo cu nan ta na un compania cu pa hopi aña caba cada biaha nan ta keda atras den nan condicionnan di trabao. Na 2019 a bin un otro protocol na unda cu ta yega na un acuerdo con e salario lo drenta per 1 januari 2021, y atrobe di parti di gerencia ta bin pa dilanti cu no lo cumpli cu ne, pero si di parti di gerencia nan kier pa empleadonan contribui cu 12.6%.
Tin hopi argumento na unda trahadonan ta bisa cu cada biaha ta cerca nan ta bin pidi, cu ta cerca nan mester entrega y 12.6% ta cay hopi duro na e grupo di trahadonan aki. “Di otro banda manera tur otro dunador di trabao, nan kier pa e trahadonan aki por negosha miho opcionnan pa nan por tuma decision na unda si of na unda no nan ta dispuesto pa entrega, pasobra e cartera ey ta primi cada trahado diferente,” segun Magaly Brito di sindicato SEPPA ta splica.
E grupo di trahadonan aki tin nan opcion cu mester wordo presenta na gerencia, y tambe cierto puntonan cu mester wordo clarifica, en todo caso e grupo di trahadonan ta dispuesto pa negosha y yega na un entendimiento. Di parti di e trahadonan nan tin un grupo cu nan a nombra como representantenan na mesa di trabao hunto cu SEPPA pa e negociacionnan por sigui diaranson awor dilanti di mediador di mediador.