MOSCU/AMSTERDAM- E canal di television Hulandes, NOS, a cuestion e hecho cu tin asina tanto Colombiano na Rusia, considerando cu e ta un pais pober.
Nederlandse Omroep Stichting, miho conoci NOS, un medio di comunicacion Hulandes, a ofende e fanaticonan Colombiano, durante e transmision cu nan a haci di e partido entre Colombia y Polonia. E comentaristanan pa e partido aki tabata Hugo Borst y alcalde di Rotterdam, Ahmed Aboutaleb.
NOS, un di e medionan masivo di e pais aki, a cuestion e dicon tin asina tanto Colombiano den e stadion Kazan Arena di Rusia y na Rusia en general, si Colombia ta un pais pober. Ademas, un di e presentadornan a bisa di e asombra pa e presencia di Colombianonan, cu el a califica “como un lama geel den e stadion”.
Aunke un di nan a considera cu e Colombianonan lo por a spaar pa asina asisti na e cita mundial, e otro comentarista a sostene cu kisas e Colombianonan presente den e pais aki lo tabata tin cocaina den nan cura di cas. Ademas, el a bisa, e narcotraficante Pablo Escobar a laga varios caha cu placa dera, sugiriendo cu ta di eynan e placa a sali pa nan por a biaha.
Mientras cu e comentaristanan tabata insisti cu “Colombia ta un pais pober”, nan tabata hari.
E video a bay viral, caminda cu e publico y pueblo Colombiano ta exigi pa un disculpa publico, na nivel diplomatico.
https://www.facebook.com/amelia.maduro.54/videos/420978981751711/
Fuente: https://www.lafm.com.co